Jergilikli faunamızdaǵı quslar bay tábiyǵıy hár túrlilik hám ekologiyalıq teń salmaqlılıqtıń ajıralmas bólegi bolıp esaplanadı. Ózbekistan aymaǵı óziniń geografiyalıq jaylasıwı, klimat sharayatı hám landshaftlarınıń hár túrliligi menen ajıralıp turadi. Bul faktorlar mámleketimizde túrli ekologiyalıq zonalarǵa beyimlesken quslardıń keń tarqalıwına imkaniyat jaratqan. Ózbekistan aymaǵında ushirasatuģın quslar geografiyalıq tarqalıwına qaray dala, shól, taw, togay, suw basseynleri hám awıl xojalıq aymaqlarında jasawshı túrlerge bólinedi.