Toshkent iqtisodiy rayoni O‘zbekistonning eng rivojlangan va muhim hududlaridan biri hisoblanadi. Bu rayon poytaxt Toshkent shahri va uning atrofidagi viloyatlar, shuningdek, O‘zbekistonning boshqa iqtisodiy va madaniy markazlari bilan aloqalarni o‘z ichiga oladi. Toshkent shahri nafaqat davlatning siyosiy va ijtimoiy markazi, balki iqtisodiy faoliyatining katta qismi jamlangan hududdir. Rayonning iqtisodiy geografik o‘rni, tabiiy sharoiti va tabiiy boyliklariga baho. Toshkent iqtisodiy rayonining shakllanishida muhim omillardan biri uning iqtisodiy geografik o‘rnidir. Xususan, u mamlakatning shimoli-sharqiy qismida, Chirchiq va Ohangaron daryolari havzasida joylashganligi, Farg‘ona iqtisodiy rayoni bilan tutashganligi, hududi orqali muhim transport yo‘llari o‘tganligi hamda qo‘shni respublikalar va uzoq xorijiy davlatlar bilan bog‘lanishga qulay sharoit mavjudligidir.