Ushbu kurs ishining asosiy maqsadi ikkinchi tartibli chiziqlarning (ellips, parabola, giperbola) nazariy asoslarini, ularning matematik xossalarini chuqur o‘rganish hamda ularning optik xossalari va astronomiyadagi amaliy ahamiyatini atroflicha yoritib berishdan iborat. Bu ish orqali ushbu chiziqlarning umumiy tenglamasi, turlari, analitik xususiyatlari va yorug‘likning akslanish qonuni bilan bog‘liqligi tahlil qilinadi. Shuningdek, ikkinchi tartibli chiziqlarning fokus va direktrisa orqali fizik talqini beriladi hamda sayyoralar harakatini tavsiflashdagi ularning o‘rni va ahamiyati ochib beriladi.