Muzeylar o’tmish bilan bugunni bog’lovchi ma’naviyat ko’prigi hisoblanadi. Termiz davlat universiteti tarix fakulteti 3-bosqich talabalari muzeyshunoslik va arxivshunoslik fanidan yil davomida olgan nazariy bilimlarimizni mustahkamlash hamdaamaliyotda qo’llay bilish malakasiga ega bo’lish maqsadida joriy yilning 29-maydan 5-iyun sanasiga qadar muddatga tuman va shahar davlat muzeylariga amaliy o’quv mashg’ulotlariga yuborildi. Biz 2023-yil 29-may sanasida Termiz shahridagi Arxeologik muzeyiga bordik hamda amaliyot o’tash uchun tashkilot tomonidan qabul qilindik. Bizga amaliyotda yordam beruvchi va yo’l yo’riq ko’rsatuvchi ma’sul shaxslar biriktirildi.