Maqolada ijtimoiy tarmoqlarning inson psixologiyasiga ta’siri tahlil qilinadi. Globallashuv va raqamli texnologiyalar rivojlanishi sharoitida internet va ijtimoiy tarmoqlar kundalik hayotning ajralmas qismiga aylanib bormoqda. Bu jarayon insonning fikrlash tarziga, hissiy holatiga, o‘zini baholashiga hamda ijtimoiy munosabatlariga bevosita ta’sir ko‘rsatmoqda. Maqolada ijtimoiy tarmoqlarning ijobiy jihatlari, xususan, axborot almashish, muloqot doirasini kengaytirish, bilim olish imkoniyatlari bilan bir qatorda, salbiy ta’sirlari – ruhiy bosim, stress, ijtimoiy solishtirish, vaqtni samarasiz sarflash va qaramlik kabi muammolar ham ko‘rsatib o‘tiladi. Shuningdek, inson psixologiyasini himoya qilish, ijtimoiy tarmoqlardan oqilona foydalanish bo‘yicha tavsiyalar ham berilgan.