Kontraksiya shartnomalari shundan iboratki, ushbu shartnomalar nafaqat ishlab chiqaruvchilar manfaatini himoya qiladi, balki davlatning oziq-ovqat xavfsizligi, bozor infratuzilmasining barqaror ishlashi hamda mahsulot yetkazib berilishining barqarorligini ta’minlaydi. Shu bilan birga, amaliyotda kontraksiya shartnomalarini tuzish va bajarishda ayrim muammolar, xususan, sifat bo‘yicha nizolar, mahsulotni o‘z vaqtida yetkazmaslik, to‘lovlarni kechiktirish kabi holatlar uchrab turadi. Bu esa mazkur institutni chuqur o‘rganish zaruratini kuchaytiradi.