bugungi kunda korxonalarni ijaraga berish tajribasi davlat mulkini xususiy sektorga samarali o‘tkazish, ishlab chiqarish jarayonlarini modernizatsiya qilish, investitsiyalar jalb etish va tadbirkorlik subyektlarining faoliyatini kengaytirishda muhim omilga aylangan. Korxona ijarasi bo‘yicha tuziladigan shartnomalarning yuridik jihatdan to‘g‘ri rasmiylashtirilishi, obyektning tarkibini aniq belgilash, taraflarning majburiyatlarini ravshan ifoda etish amaliyotda ko‘plab nizolarning oldini oladi. Biroq hozirgi paytda korxona ijarasi shartnomalarini tuzish, baholash, nazorat qilish va bekor qilishga oid ayrim masalalar qonunchilikda to‘liq takomillashmagan, bu esa mazkur institutni ilmiy o‘rganishni yanada muhimlashtiradi.