Davlatning jinoyat-huquqiy siyosatini liberallashtirishga mustaqillikni ilk kunlaridan eʼtibor berila boshlandi, uning asosiy maqsadi sifatida adolat va insonparvarlik printsiplarini taʼminlash, jinoiy jazo tizimidagi jazolash funksiyalarining toraytirish yoʼlidan borish belgilab olindi. Insoniyat tarixida jamiyat rivojlanishi, huquqiy ong va madaniyatni ommalashuvi natijasida jinoyat-huquqiy siyosat liberallashuvi jadallashdi. Jinoyat-huquqiy siyosat liberallashuviga turlicha taʼrif keltirilgan boʼlsada, umumiy mazmun jinoiy taʼqib, jazo va boshqa huquqiy taʼsir choralari, ularni ijro etish jarayoni hamda jinoyatchilikni oldini olish faoliyati odillik va insonparvarlik printsiplariga, shuningdek umuminsoniy qadriyatlarga hamda Oʼzbekiston Respublikasi Konstitutsiyasi va qonunlariga monand boʼlishi lozimligini anglatadi.