Fuqarolik huquqida renta shartnomasi shaxslarning mulkiy huquq va manfaatlarini ta’minlashda muhim o‘rin tutadi. Renta shartnomasi orqali bir shaxs (renta oluvchi) o‘z mulkini boshqa shaxsga (renta to‘lovchiga) topshiradi va buning evaziga doimiy yoki umrbod tarzda pul yoki ta’minot ko‘rinishidagi daromadni olish huquqiga ega bo‘ladi. Ushbu shartnoma mol-mulkni boshqasiga berish va to‘lov olish mexanizmini o‘zida mujassam etganligi bilan fuqarolik-huquqiy bitimlar orasida alohida ahamiyat kasb etadi.