Zarar tushunchasining o‘zi ham huquqshunoslar tomonidan turlicha talqin qilinadi. Bu esa huquqiy normalarni qo‘llashda qarama-qarshiliklar, tushunmovchiliklar keltirib chiqaradi. Ayrim hollarda zarar moddiy ifodalanadi, ya’ni mol-mulk yo‘qotiladi, foyda olinmaydi. Boshqa hollarda esa zarar ma’naviy bo‘ladi, masalan, shaxsning sha’ni va qadr-qimmati toptaladi. Shu boisdan ham zarar turlarini aniq ajratish, ularni huquqiy jihatdan asoslash zarur.