O‘zbekiston Respublikasi Prezidentining “2022-2023-yillarda axborot-kommunikatsiya texnologiyalari sohasini yangi bosqichga olib chiqish chora-tadbirlari to‘g‘risida” 2022-yil 22-avgustdagi PQ-357-son qaroriga muvofiq, shuningdek, axborot-kommunikatsiya texnologiyalari. Respublikamizda keyingi yillarda amalga oshirilayotgan keng ko‘lamli islohotlar doirasida raqamli texnologiyalar sohasida aholi uchun qo‘shimcha qulayliklar va shart-sharoitlar yaratildi hamda telekommunikatsiya xizmatlari, shu jumladan, axborot-kommunikatsiya texnologiyalari sohasini rivojlantirishni yangi bosqichga olib chiqish bo‘yicha ustuvor vazifalar belgilab berildi. 1. O‘zbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi o‘zgartirish va qo‘shimchalar kiritilsin: mobil aloqa operatorlari, tijorat banklari va to‘lov tizimlari operatorlariga o‘zlarining mobil ilovalari orqali O‘zbekiston Respublikasi Yagona interaktiv davlat xizmatlari portalidagi elektron davlat xizmatlarini ko‘rsatishni tartibga solish; axborot texnologiyalari, telekommunikatsiya va pochta sohasidagi qurilish obyektlarining xavf-xatar toifalari tasnifini soddalashtirish; respublika ijro etuvchi hokimiyat organlari, xo‘jalik birlashmalari va mahalliy ijro etuvchi hokimiyat organlarining raqamli transformatsiya holatini reyting baholash va hududlarda raqamli iqtisodiyot darajasini reyting baholash tartibini joriy etish; operator va provayderlarga telekommunikatsiya obyektlarida texnik vositalarni o‘rnatish uchun loyiha-smeta hujjatlari ekspertizaga topshirilgan sanadan boshlab qurilish-montaj ishlari amalga oshirilishiga ruxsat berish, bunda loyiha-smeta hujjatlarini 15 kun muddatda ekspertizadan o‘tkazish tartibini belgilash.