So‘nggi yillarda sun’iy intellekt va uning muhim tarmog‘i bo‘lgan mashinali o‘qitish butun dunyo bo‘ylab keng joriy etilmoqda. Bu texnologiya inson ishtirokisiz o‘rganish va qaror chiqarish imkonini beradi. Ayniqsa, bashoratlash (prediction) — ya’ni kelajakdagi holatlarni oldindan aniqlash vazifasi, turli sohalarda muhim ahamiyat kasb etmoqda: iqtisodiyot, sog‘liqni saqlash, ta’lim, savdo va boshqa ko‘plab yo‘nalishlarda. Chiziqli regressiya — mashinali o‘qitishdagi eng sodda va eng ko‘p ishlatiladigan modellardan biridir. U mustaqil o‘zgaruvchilar (kirish) bilan bog‘liq o‘zgaruvchilar (chiqish) o‘rtasidagi chiziqli munosabatni aniqlash orqali yangi qiymatlar uchun bashoratlar beradi.