Ushbu mahsulot infraqizil detector va datchiklarni boshqarish algoritmlari asosida ishlab chiqilgan labirintni yechish robot tizimidir. Robot o‘ng yoki chap devor bo‘ylab harakatlanib, labirintdagi chiqish yo‘lini topadi. Modifikatsiyalangan Wall-Follower usuli yordamida robot cheksiz tsiklga tushmaydi, samarali yo‘lni aniqlaydi va turli labirint sharoitlarida ishlashga moslashgan. U avtonom harakatlanish, o‘z-o‘zini lokalizatsiya qilish, yo‘lni rejalashtirish va xarita yaratishni o‘z ichiga olgan murakkab navigatsiya vazifalarini bajaradi. Mahsulot sanoat, ofis, xavfsizlik va boshqa ko‘plab sohalarda qo‘llanilishi mumkin.