BITIRUV MALAKAVIY ISHINING DOLZARBLIGI Bugungi kunda elektron pochta orqali ko‘plab xabarlar yuborilmoqda va ularning orasida hukumatga oid yoki tijorat sirlarini o‘z ichiga olgan maxfiy ma’lumotlar ham bo‘lishi mumkin. Shu sababli spam filtrlash tizimlari juda muhim ahamiyat kasb etmoqda. Chunki bu tizimlar nafaqat keraksiz (spam) xatlarni, balki muhim xabarlarni ham to‘g‘ri ajrata olishi kerak. Garchi bugungi kunda elektron xabarlarni filtrlash texnologiyalari keng qo‘llanilayotgan bo‘lsa-da, butun dunyo bo‘yicha yuborilayotgan xatlarning katta qismi hali ham spam (keraksiz reklama, firibgarlik va h.k.) bo‘lib qolmoqda.