Sun’iy intellekt turli amallarni bajarishga moʻljallangan algoritm hamda dasturiy tizimlardan iborat texnologiya hisoblanadi. U bugungi kunda inson ongi bajarishi mumkin boʻlgan bir qancha vazifalarning uddasidan chiqa olish imkoniyatiga ega. Sunʼiy intellekt mashinalarni inson kabi fikrlashga va inson kabi harakatlanishiga xizmat qiladigan bir nechta algoritmlar toʻplami hisoblanadi. Sun’iy intellekt turli sohalarda qoʻllanilmoqda, jadal rivojlanayotgan sohalar shu jumladan aqlli avtomobillar, tibbiyot, kiber sport, san’at, kiberxavfsizlik va boshqalar.