Annotatsiya. Mazkur maqolada oʻquvchilarda axborot tizimi bilan ishlash kompetensiyalarini oʻqitish yuzasidan fikr-mulohaza qilingan. Yaʻni oʻquvchilar axborot tizimi bilan ishlaganda ularda bilim, koʻnikma, malakalarning rivojlanishi bilan bir vaqtda shaxsiy qobiliyati ham shakllanib borishi haqida fikrlar bayoni keltirilgan. Kalit soʻzlar: axborot tizimi, kompetensiya, bilim, koʻnikma, malaka, qobiliyat, oʻqituvchi, mahorat, kompyuter. Oʻzbekistonda amalga oshirilayotgan islohotlar muvaffaqiyati jamiyatda axborot bilan taʻminlanishga munosabatni tubdan oʻzgartirish zaruratini keltirib chiqarganligi sababli, hozirgi kunda zamonaviy kompyuter va telekommunikatsiya tizimlari hamda texnologiyalarini barcha sohalarda qoʻllash va yanada rivojlantirishga gʻoyat muhim eʻtibor qaratilmoqda.