Mazkur kurs ishi ana shunday til variantlarining leksik xususiyatlarini chuqur o‘rganishga, ularning bir-biridan farqlanishi va o‘zaro umumiy jihatlarini tahlil qilishga qaratilgan. Har bir variantning leksik xususiyatlari alohida boblarda batafsil ko‘rib chiqiladi. Xususan, Amerika ingliz tilidagi o‘ziga xos so‘z boyligi, lug‘aviy innovatsiyalar va so‘z yasalish tendensiyalari; Kanada ingliz tilining mintaqaviy leksik tafovutlari, britan va amerika variantlari bilan o‘zaro munosabatlari; Avstraliya ingliz tilining mahalliy va immigratsion ta’sirlar natijasida shakllangan leksik xususiyatlari alohida tahlil qilinadi.