Pensiya ta’minoti doimo davlat va jamiyat hayotida markaziy va hal qiluvchi o’rinni egallab kelgan. Mamlakatda yashaydigan fuqarolarda o’z hayot faoliyatining ma’lum bosqichlarida va alohida holatlarda pensiya ta’minoti tizimi xizmatlariga ehtiyojlari yuzaga keladi. Uning holati mamlakat iqtisodiy rivojlanish darajasiga, mamlakatda olib borilayotgan ijtimoiy siyosatga, shuningdek, mehnatkashlarning hamda ma’lum sabablarga ko’ra ishlamaydigan aholi qatlamlarining ijtimoiy ahvoliga bog’liq.