Bugungi kunda dunyo turizm bozorida xizmatlarni rivojlantirish, turistik salohiyatni oshirishning innovasion mexanizmlarini ishlab chiqish va takomillashtirish bo‘yicha bir qator tadqiqotlar olib borilmoqda. Xususan, hududlarda va tarmoqlarda turistik salohiyatni oshirishda davlat-xususiy sherikchiligi (DXSH)ning mexanizmlaridan samarali foydalanish yo‘nalishlarini belgilash va turistik klasterlar orqali milliy iqtisodiyotda sohani rivojlantirishga alohida e’tibor qaratilmoqda. O‘zbekiston Resrublikasi Prezidenti Shavkat Mirziyoevning ochiq siyosati tufayli mamlakatimizda ham turizm sohasi jadal rivojlanishiga keng yo‘l ochilib, 2017-2019 yillarda turistik xizmatlar eksporti hajmi va ularning mamlakat YAIMdagi ulushi 2,5 barobar oshdi.