Hozirgi sharoitda iqtisodiyotni klasterlashtirish hududda faoliyat yuritayotgan tadbirkorlik subyektlarining raqobatbardoshligini oshirish, ular o‘rtasidagi o‘zaro aloqalarni kuchaytirish va hududlar rivojiga yangi turtki berishda asosiy omil bo‘lmoqda. Mintaqaviy iqtisodiy tizimlarning klasterlash salohiyatini har tomonlama baholashning tasdiqlangan modeli, shu jumladan ishlab chiqarish va resurs, ishchi kuchi, investitsiya va moliyaviy salohiyatga taalluqli parametrlarni hisoblash va tahlil qilish bugungi davrning eng zarur islohotlari qatoriga kiradi.