Ялпи таклиф тушунчаси ва эгри чизиғи. Ресурслар баҳоснинг ўзгариши. Миллий иқтисодиѐт яхлит ҳолда, яъни макроиқтисодиѐт даражасида ўрганилаѐтган жараѐнда бутун мамлакат фуқаролари, барча тадбиркорлар, давлат ва чет эл истеъмолчиларининг барча товарлар ва хизматлар турлари бўйича талаби ва таклифини ўрганиш иқтисодиѐтни самарали юритишда муҳим аҳамиятга эгадир. Шунинг учун бу бобда макроиқтисодий таҳлил давом эттирилиб, энг аввало яхлит олинган миллий бозор кўриб чиқилади ва унинг макродаражадаги асосий унсурлари бўлган ялпи талаб ва ялпи таклиф тушунчаларининг иқтисодий мазмунини тавсифланади. Таҳлил давомида ялпи талаб ва ялпи таклифга таъсир этувчи омиллар, улар таъсирида нархлар даражасининг ўзгариши ва ишлаб чиқаришнинг мувозанатли ҳажми қандай ўрнатилишини баѐн этилади.