Zamonaviy jamiyatning rivojlanishi bilan birga aloqa va axborot almashinuvi vositalari tubdan o‘zgardi. Internet va raqamli texnologiyalarning keng tarqalishi natijasida ijtimoiy tarmoqlar (social media) inson hayotining ajralmas qismiga aylandi. Bugungi kunda dunyo bo‘ylab 5,66 milliarddan ortiq odam ijtimoiy tarmoqlardan foydalanmoqda, bu esa global aholining taxminan 68,7 foizini tashkil etadi. Instagram 3 milliard, TikTok esa 1,99 milliardga yaqin foydalanuvchiga ega bo‘lib, ular orqali milliardlab odamlar har kuni fikr almashadi, kontent yaratadi va ijtimoiy hayotda faol ishtirok etadi. O‘zbekistonda ham bu jarayon tez sur’atlar bilan rivojlanmoqda: 2025 yilda Instagram foydalanuvchilari soni 11,6 milliondan oshgan (aholining 33 foiziga yaqin), Telegram esa mamlakatdagi axborot va muloqotning asosiy vositasiga aylangan. Bu raqamlar ijtimoiy tarmoqlarning jamiyat hayotidagi o‘rnini va uning ijtimoiy-demografik portretini o‘rganishning dolzarbligini yaqqol ko‘rsatadi.