Bugungi globallashuv va raqamli transformatsiya davrida inson kapitalining iqtisodiy taraqqiyotdagi o‘rni tobora ortib bormoqda. Raqamli texnologiyalar hayotimizning deyarli barcha jabhalarini qamrab olayotgan bir paytda, inson omilining sifati, uning bilim, malaka va raqamli ko‘nikmalari har qanday mamlakatning iqtisodiy raqobatbardoshligini belgilovchi muhim strategik resursga aylangan. Xususan, sun’iy intellekt, avtomatlashtirish, raqamli xizmatlar va platformalarning keng joriy etilishi inson kapitalining tarkibiy tuzilmasini, unga bo‘lgan ehtiyoj va talablarga sezilarli ta’sir ko‘rsatmoqda. Shu sababli, inson kapitalining raqamli iqtisodiyotdagi o‘rni va funksiyalarini o‘rganish hozirgi davrning eng dolzarb masalalaridan biridir.