Iqtisodiy inqirozlar, ularning kelib chiqish sabablari va oldini olish yo’llarini turli davr maktab vakillari, jumladan klassiklar, marginalistlar va institutsional iqtisodiyot nazariyachilari keng yoritib berishgan. Makroiqtisodiyot nazariyasi vakillari va neokeinschilar inqirozlarni oldini olish, ularni bartaraf etish va muntazam iqtisodiy o’sishni ta’minlab borishga doir ko’plab tadqiqotlar amalga oshirganlar.Iqtisodiy inqirozni nazorat qilishda nafaqat uni yengib o’tish, balki kelajakda ham shunga o‘xshash takrorlanishlarning oldini olish muhim ahamiyatga ega, zero uning oqibatlarini bartaraf etgandan ko’ra, uni oldini olish ancha manfaatliroqdir. Shu bois O’zbekistonda qabul qilingan bir qancha iqtisodiy-ijtimoiy taraqqiyot dasturlari, shu qatorda 2030-yilgacha qabul qilingan ‘Taraqqiyot strategyasi’ ni amalga oshirish o’z navbatida turli noxushliklar, moliyaviy va iqtisodiy inqirozlarni chetlab o’tish choralarini va bunda turli chora-tadbirlarni qo’llash imkoniyatlarini qamrab olgan.