Mavzu: Iqtisodiy islohotlar, xususiy mulkchilikning shakllanishi. Reja: 1. Iqtisodiy islohotlar. Bozor munosabatlarining shakllanishi 2. Oʻzbekistonda bozor munosabatlarining shakllanishi. 3. Oʻzbekiston yalpi ichki mahsulot sarfi. Mustabid tuzumdan qolgan iqtisodiy meros mustaqillik yillarida iqtisodiy hayotimizda roʻy bergan yangilanish, tub oʻzgarishni yoritishga kirishar ekanmiz, avvalo, eski mustabid tuzumdan bizga qanday iqtisodiyot meros boʻlib qolganligini eslaylik. Oʻzbekiston qaramlik davrida oʻz tabiiy boyliklarjga, yer-suv, oʻrmon va boshqa resurslariga oʻzi egalik qila olmasdi, iqtisodiy taraqqiyot yoʻlini oʻzi belgilay olmasdi. Respublika hududida qurilgan va faoliyat koʻrsatayotgan korxonalar markazga boʻysundirilgan edi. Oʻzbekiston rahbariyati, xalqi oʻz hududida qancha mahsulot ishlab chiqarilayotgani, ular qayerga realizatsiya qilinayotgani va qancha daromad keltirayotganidan bexabar edi. Moliya-kredit, bank siyosati yuritishda qaram edi, oʻzining milliy valyiitasiga, valyuta jamgʻarmasiga ega emasdi.