IQTISODIY JARAYONLARNI MODELLASHTIRISHDA FIKTIV O’ZGARUVCHILARDAN FOYDALANISH Reja: Regressiya modellarida miqdoriy bo'lmagan ko'rsatkichlarni kiritish xususiyatlariANOVA va ANCOVA modellariFiktiv o’zgaruvchi qo’llanilgan regressiya tenglamasini tuzish uslubiyotiTayanch so’zlar: Fiktiv o’zgaruvchi, ANOVA, ANCOVA, miqdoriy bo’lmagan ko’rsatkich 1. Regressiya modellarida miqdoriy bo'lmagan ko'rsatkichlarni kiritish xususiyatlari bog'liq o'zgaruvchining qiymati ham miqdoriy va ham miqdoriy bo'lmagan ko'rsatkichlar bilan tavsiflanadigan omillar hisobiga shakllanadi. Masalan, bitta sigirdan sog’ib olinadigan sut hajmiga (miqdoriy ko'rsatkich) ozuqa sifati – oliy nav, 1-nav yoki 2-nav (nomiqdoriy ko'rsatkich) ta'sir qiladi. Miqdoriy bo’lmagan ko’rsatkichlarga turli hil belgilar, masalan kasb, ta’lim, jins, ma’lum hududda yashash, mahsulot sifati, nav va boshqalar misol bo’la oladi. Bunday o'zgaruvchilarni regressiya modeliga kiritish uchun ularga ba'zi raqamli belgilar berilishi kerak, ya'ni, miqdoriy bo’lmagan o'zgaruvchilar miqdoriy o'zgaruvchilarga aylantirilishi kerak.