Mavzu: Jahon iqtisodiyotini tartibga solishda Xalqaro tashkilotlarning o’rni Tovar, xizmatlar, kapital, ishchi kuchlari, ilmiy-texnik axborot-larni xalqaro ayirboshlash, hayotda bir qator muammolarni keltirib chiqarmoqda. Bu muammolarni faqatgina bir necha davlatning o’zaro kelishilgan holda faoliyat ko’rsatishi bilan hal etish mumkin. Shu sababdan umumiy manfaatni ko’zlagan holda mamlakatlararo iq-tisodiy munosabatlarni tartibga soluvchi xalqaro tashkilotga bo’l-gan ehtiyoj tug’ildi. Xalqaro iqtisodiy aloqalarning barcha tizim-larini har tomonlama tartibga solib turishni ta’minlovchi mexa-nizm shakllanishi va rivojlanib borishi xalqaro iqtisodiy aloqa-larni muvaffaqiyatli rivojlanishini ta’minladi va uning ajral-mas tarkibiy qismi bo’lib qoldi. Jahon xo’jalik aloqalarida ish-tirok etuvchi mamlakatlarning iqtisodiy manfaatlariga taalluqli asosiy muammolar quyidagilar hisoblanadi; • Bojxona bojlari darajasi, eksport va import kvotalari, narxlar, valyuta kurslari, foiz stavkalari va boshqalar xususida kelishib olish; • Qonunchilik va me’yoriy asoslarni unifikatsiyalashtirish (bir xillashtirish); • Huquqiy va me’yoriy bazani unifikatsiya (bir xil) qilish, ish-lab chiqarishning texnikaviy va texnologik shart-sharoitlarini, mahsulotlarni tashish, saqlash va realizatsiya qilishda yagona talab-larni ta’minlash; • Tovarlar sifatiga, uning iste’mol qiymatiga, ishchi kuchlari sifatiga, mehnat sharoitlariga qo’yiladigan talablarni kelishib olish. Xalqaro iqtisodiy aloqalarni har tomonlama tartibga solib turish mexanizmining vujudga kelishi va rivojlanishi hozirgi zamon iqtisodiyoti va xalqaro ayirboshlashga xos bo’lgan bir qator ob’ektiv omillar va jarayonlar ta’siri ostida sodir bo’ladi. Barcha turli xildagi faktlarni ikki yo’nalish bo’yicha guruhga ajratish mumkin.