Хусусий, давлат ва ташқи дунё жамғармалари Давлатимизда биринчи марта Ўзбекистон ССР Президенти ҳузуридаги Вазирлар Маҳкамасининг 1991 йил 14 январдаги 9-сонли қарори билан СССР Пенсия жамғармасининг Ўзбекистон Республикаси бўлими ташкил қилинган. Ижтимоий суғурта маблағларидан самарали ва тўғри фойдаланилиши юзасидан назоратни кучайтириш, шунингдек ижтимоий таʻминот соҳасида давлат кафолатини таʻминлаш мақсадида Республика Вазирлар Маҳкамаси ва Касаба уюшмалари федерацияси Республика кенгашининг 1993 йил 4 августдаги 391-сонли қарори билан собиқ СССР Пенсия жамғармасининг Ўзбекистон Республикаси бўлими базасида Ўзбекистон Республикаси Вазирлар Маҳкамаси ҳузуридаги ижтимоий суғурта жамғармаси ташкил қилинди ҳамда Ўзбекистон Касаба уюшмалари федерацияси Кенгаши тизимидан вақтинча меҳнатга қобилияцизлик, ҳомиладорлик ва туғиш бўйича, фарзанд туғилганда, дафн этишга бериладиган нафақаларни тўлашга йўналтириладиган давлат ижтимоий суғурта маблағлари берилиши белгиланди.