KO’P OMILLI REGRESSIYANING TURLI JIHATLARI Reja: 1. Ko’p omilli ekonometrik modellar qurishda korrelyatsiya koeffitsienti 2. Determinatsiya va ko’plikdagi korrelyatsiya koeffitsienti 3. Ekonometrik model parametrlarining iqtisodiy tahlili va elastiklik koeffitsientlarini hisoblash. Tayanch iboralar: ko’p omilli korrelyatsiya, ko’p omilli regression bog’lanishlar, korrelyatsiya koeffitsienti, bevosita eng kichik kvadratlar usuli, elastiklik koeffitsientlar 1. Ko’p omilli ekonometrik modellar qurishda korrelyatsiya koeffitsienti Korrelyatsion bog'lanishning xususiyati regressiya tenglamasida bir necha muhim va mohiyatli omillar ishtirok etishini taqozo qiladi. Shuning uchun regressiya tenglamasiga kiritiladigan mohiyatli omillarni tanlash katta ahamiyatga egadir. Ko'p omilli regressiya tenglamasida o'zaro kuchli chiziqli korrelyatsion bog'langan omillar bir vaqtda ishtirok etmasligi kerak. Chunki ular regressiya tenglamasida bir-birini ma'lum darajada takrorlab, natijada regressiya va korrelyatsiya ko'rsatkichlarining buzilishiga sababchi bo'ladi. Demak, tanlangan omillar ichida o'zaro kuchli chiziqli korrelyatsion bog'lanishda bo'lgan omillardan ba'zilarini regressiya tenglamasiga kiritmaydi. Buning uchun chiziqli juft korrelyatsiya koeffitsientlarining matritsasi tuziladi.