Marketing iqtisodiy kategoriya sifatida g`oyat serqirradir. Uning tarkibi yoki faoliyat sohalarida ishlab chiqarish vositalari marketingi, iste'mol tovarlari marketingi, xizmat ko`rsatish marketingi singari turlarini ko`rsatish mumkin. Bularning har birining faoliyatida umumiy printsiplar va vazifalar saqlanib qoladi, ammo bu yo`nalishlarning har biri o`ziga xos tomonlari bilan ajralib turadi. Marketing tarkibiy tuzilishi haqida gap borganda olimlar va amaliyotchilar uning tarkibida mikromarketing va makromarketing kabi darajalarni farqlayotganlarini alohida ta'kidlash zarur. Bu tushunchalarni fanga birinchi marta F. Kotler 1972 yilda kiritdi va ularni xo`jalik faoliyati bilan shugullanadigan tashqilotlar bilan bir qatorda foyda olish bilan bog`liq bo`lmagan madaniyat, ijtimoiy, siyosiy va shunga o`xshash tashqilotlarga nisbatan ham qo`lladi.