Klaster siyosatini joriy etish zamonaviy iqtisodiyotni raqobatbardosh, innovatsion va yuqori qo‘shilgan qiymat yaratishga yo‘naltirishning eng samarali mexanizmlaridan biri hisoblanadi. Bunday siyosatning ahamiyati, birinchi navbatda, ishlab chiqarish, xizmat ko‘rsatish, ilm-fan, ta’lim va infratuzilma resurslarini yagona ekotizimga birlashtira olishi bilan belgilanadi. Klasterlar hududlarda iqtisodiy faollikni kuchaytirib, korxonalar o‘rtasida kooperatsiya, hamkorlik va bilim almashinuvi orqali yangi texnologiyalarni tezroq joriy etishga sharoit yaratadi. Natijada, ishlab chiqarish xarajatlari kamayadi, mahsulot sifati oshadi va korxonalarning global bozorga chiqish imkoniyatlari kengayadi.