Mustaqillik yillarida davlat boshqaruvi tizimida iqtisodiy islohotlar doirasida salmoqli institutsional o‘zgarishlar amalga oshirildi. Xususiylashtirish jarayoni turarjoylar, savdo, xizmat ko‘rsatish sohasi va turli tarmoqlarda davom ettirildi, o‘rta va yirik korxonalar davlat tasarrufidan chiqdi. 1996-yilda tadbirkorlikni rivojlantirish va qo‘llab-quvvatlash maqsadida Respublika Palatasi tashkil qilindi. Mamlakat tovar-xomashyo birjasi va ko‘chmas mulk birjasi faoliyati kengaydi, qonunlar va me’yoriy-huquqiy hujjatlar asosida faoliyat olib borildi. Qo‘llab-quvvatlash tizimi MDH mamlakatlarida noyob ekanligi ta’kidlandi.