Oʻzbekistonda iqtisodiyotni yangilash va modernizatsiya qilish borasida amalga oshirilayotgan iqtisodiy islohotlar bugungi kunda o‘zining natijalarini namoyon etmoqda. Jumladan, qisqa vaqt ichida ıqtisodiyotda chuqur tarkibiy oʻzgarishlarni amalga oshirish, ishlab chiqarishni yangi texnika va texnologiyalar asosida qayta jihozlash, aholi daromadlarining oʻsishini ta’minlash, qulay investitsion muhitni shakllantirish, kichik biznes, xususiy tabirkorlik, xizmat koʻrsatish servis sohasini barqaror rivojlantirishda sezilarli yutuqlar qoʻlga kiritildi.        Albatta, bunda mamlakat demografik rivojlanishining oʻrni katta boʻlib, ijtimoiy manfaatlarga yoʻnaltirilgan iqtisodiy maqsadlarni amalga oshirishda aholi, uning oʻsishi, joylashishi, demografik tarkibi kabi jihatlarini bozor munosabatlariga oʻtish davri nuqtai nazaridan oʻrganish katta ahamiyatga ega. Chunki, aholi ham asosiy ishlab chiqaruvchi kuch, ham iste’molchi sifatida jamiyat taraqqiyotida hal qiluvchi ahamiyatga egadir.