Hozirgi raqamli iqtisodiyot sharoitida marketing sohasida sun’iy intellekt (SI) texnologiyalaridan foydalanish tez sur’atlar bilan rivojlanib bormoqda. Bu texnologiyalar kompaniyalar va iste’molchilar o‘rtasidagi aloqalarni qayta shakllantirib, biznes jarayonlarini avtomatlashtirish va samaradorligini oshirishda muhim vosita sifatida namoyon bo‘lmoqda. SI asosida ishlovchi tizimlar ma’lumotlarni chuqur tahlil qilish, tendensiyalarni aniqlash, iste’molchilar xulq-atvorini bashorat qilish hamda shaxsiylashtirilgan marketing strategiyalarini yaratishga imkon beradi. Bu esa biznesning bozorda raqobatbardoshligini ta’minlashda yangi imkoniyatlarni ochib beradi. Sun’iy intellektning marketingdagi qo‘llanilishi iste’molchilarga mahsulot va xizmatlarni taklif qilish jarayonlarini osonlashtiradi. Masalan, aqlli tavsiya tizimlari, shaxsiylashtirilgan reklama kampaniyalari, mijozlar xizmatini avtomatlashtirish kabi jarayonlar marketing samaradorligini sezilarli darajada oshiradi. Shu bilan birga, SI texnologiyalari orqali reklama kontentini yaratish va joylashtirish tezligi oshib, xarajatlar kamaymoqda. Natijada, kompaniyalar o‘z resurslarini