Har qanday davlatning tashqi savdo siyosati hukumatning umumiqtisodiy yо‘nalishining muhim tarkibiy qismi hisoblanadi. U eksport-import tovar oqimlari hajmi, tovar tarkibi va jug‘rofiy yо‘nalishini tartibga solish bilan bog‘liq byudjet-soliq faoliyati sohalaridan biridir. Tashqi savdo siyosati mamlakat ichkarisida kengaytirilgan takror ishlab chiqarish va milliy boylikni o‘stirish uchun zarur bo‘lgan tashqi iqtisodiy sharoitlarni ta'minlaydi. Erkin savdo siyosati (free trade) iqtisodiy hodisa sifatida XVIII asrdan boshlangan va A. Smitning "Xalqlar boyligi" asari bilan nazariy asoslangan.