Transmilliy korporatsiyalar tushunchasi va ularni jahon iqtisodiyotidagi roli Xalqaro korporatsiyalar XX asrning so’nggi choragidagi jahon iqtisodiyoti va xalqaro iqtisodiy munosabatlar rivojlanishining muhim elementi va xalqaro iqtisodiy aloqalarning bevosita ish-tirokchilari bo’lib hisoblanadi. Xalqaro korporatsiyalar, bir tomon-dan, tez rivojlanayotgan xalqaro iqtisodiyot munosabatlarning mah-suli bo’lsa, ikkinchi tomondan, ularning o’zi xalqaro munosabatlarga ta’sir etuvchi qudratli kuch hisoblanadi. Sanoat korxonalarini jahon miqyosida rivojlanishi asosida eng muhim omil bo’lib tashqi iqtisodiy operatsiyalar-tovar, xizmat-lar eksporti va importi, xorijiy kompaniyalar bilan hamkorlik qilish yotadi. Hozirgi kunda tadbirkorlik kapitalining mamlakatlararo hara-katiga asoslangan xo’jalik birlashmalarini yaratish jahon iqtiso-diyotining asosiy omili bo’lib qolmoqda. Kapitalning harakati mo-liyaviy oqimlarning kreditorlar va debitorlar, mulkdorlar va ularning firmalari o’rtasidagi harakati ko’rinishida yuz beradi.