Ushbu maqola zamonaviy iqtisodiyotda turizmning tobora ortib borayotgan ahamiyatini tadqiq etadi. Turizm sohasi jahon iqtisodiyotining tez sur‘atlar bilan rivojlanayotgan tarmoqlaridan biri bo‘lib, ko‘plab mamlakatlarning yalpi ichki mahsulotida (YaIM) sezilarli ulushni tashkil etmoqda. Maqolada turizmning iqtisodiy o‘sish, ish o‘rinlari yaratish, xorijiy valyuta tushumlari, infratuzilmani rivojlantirish va mintaqalararo tengsizlikni kamaytirish kabi iqtisodiy jihatlariga e‘tibor qaratilgan. Turizm sohasi orqali ko‘plab mamlakatlarda milliy daromadlarning sezilarli darajada oshishi, ishsizlik darajasining pasayishi va mintaqaviy rivojlanishga erishilayotganligi tahlil qilingan. Shuningdek, maqolada turizm sohasining global iqtisodiy inqirozlarga nisbatan chidamliligi, barqaror iqtisodiy rivojlanishga qo‘shayotgan hissasi va raqamli texnologiyalar ta‘sirida yangi turistik xizmatlar bozorining shakllanishi masalalari ko‘rib chiqilgan.