Кириш Мамлакатимизнинг халқаро ҳамжамиятдаги ўрни ва нуфузининг ортиши, ижтимоий-иқтисодий соҳаларнинг ривожланиши, аҳоли турмуш фаровонлигини яхшиланиши – булар Конституциямизда муҳим аҳамият касб этади. Ўзбекистон Республикаси Конституцияси мамлакатимизда демократик давлат ва фуқаролик жамиятини барпо этиш, инсон ҳуқуқлари ва манфаатларини таъминлаш, Ватанимиз тараққиёти ва турмушимиз фаровонлигини юксалтиришнинг ҳуқуқий кафолати бўлиб хизмат қилиб келмоқда. Ўзбекистонда келгусида “таълим, ижтимоий таъминот ва соғлиқни сақлаш тизимларини, шу жумладан оналик ва болаликни муҳофаза қилишни янада ривожлантириш, оила институтини мустаҳкамлаш, соғлом ва баркамол авлодни тарбиялаш, ёшларнинг иқтидорлари ва қобилиятларини рўёбга чиқариш, уларнинг ҳаётда муносиб ўринга эга бўлишлари учун кенг имкониятлар яратиш бўйича комплекс чора-тадбирлар амалга оширилади”.