VAQTLI QATORLAR DARAJALARINING AVTOKORRELYATSIYASI Reja: Qator darajalarining avtokorrelyatsiyasi. Vaqtli qatorning avtokorrelyatsion funktsiyasi. Eng kichik kvadratlar usulini bajarilishini Darbin-Uotson mezoni bo’yicha baholash. Tayanch so’zlar: avtokorrelyatsiya, Darbin-Uotson, avtokorrelyatsiyani aniqlash testlari 1. Qator darajalarining avtokorrelyatsiyasi. Avtokorrelyatsiya - bu keyingi darajalar bilan oldingilari o’rtasidagi yoki haqiqiy darajalari bilan tegishli tekislangan qiymatlari o’rtasidagi farqlar orasidagi korrelyatsiyadir. Regressiya modelidagi tasodifiy xatolar avtokorrelyatsiyasining mavjudligi regressiya parametrlarini eng kichik kvadratlar usuli yordamida baholash sifatining yomonlashishiga, shuningdek, model sifati tekshiriladigan testlar statistikasining oshirilishiga olib keladi (ya’ni modelning sifati uning haqiqiy aniqlik darajasiga nisbatan sun’iy yaxshililanadi). Shuning uchun tasodifiy xatolar avtokorrelyatsiyasini tekshirish regressiya modelini qurish uchun zaruriy amaliyot hisoblanadi.