Yaponiya iqtisodiyoti Yaponiya Sharqiy Osiyoda joylashgan orol mamlakati. Yaponiyada jami orollar soni 6 852 ta bo'lsa ham, hududining 97% ini 4 ta yirik orol - Xonsyu, Xokkaydo, Kyusyu va Sikoku orollari egallaydi. Qirgʻoqlari shimolda Oxota, g'arbda Yapon, janubi-g'arbda Sharqiy Xitoy dengizi, sharq va janubda Tinch okean suvlari bilan yuviladi. Yaponiyaning hududi shimoldan janubga 2 800 km masofaga cho'zilgan. Yaponiya - konstitutsion monarxiya, davlat rahbari imperator maqomi- ga ega bo'lgan hozirgi jahonning siyosiy xaritasidagi yagona mamlakat. Yaponiyaning konstitutsiyasiga binoan, imperator «davlat va millat birligining ramzi» hisoblanadi. Amaldagi siyosiy boshqaruv tuzumida yetakchi rol bosh vazirga tegishli. Yaponiya 47 ta prefekturaga bo'linadigan unitar davlat. Poytaxti Tokio mamlakatning eng yirik oroli Xonsyuning sharqida, Kanto tekisligida joylashgan.