Ushbu maqola yashil iqtisodiyotga o‘tish jarayonida barqaror iqtisodiy o‘sishni ta’minlash, davlat iqtisodiy siyosatini takomillashtirish va sirkulyar iqtisodiyot tamoyillarini joriy etishning samaradorligini oshirish yo‘llarini ko‘rib chiqadi. Mazkur iqtisodiy model atrof-muhitni muhofaza qilish, resurslardan samarali foydalanish va ijtimoiy adolatni ta’minlashga qaratilgan. Maqolada yashil investitsiyalar, ta’lim, innovatsion yondashuvlar, qonunchilikni yangilash, davlat-xususiy hamkorlikni kuchaytirish va monitoring tizimlarini joriy etish strategiyalari bayon etilgan. Bundan tashqari, mahsulotlarni qayta ishlash va umrini uzaytirish kabi sirkulyar iqtisodiyot tamoyillarini qo‘llash usullari ham yoritilgan.