Yuridik shaxslarning mol-mulkiga solinadigan soliq: soliq solish ob'ekti va soliq bazasi. Yuridik shaxslarning mol-mulkiga solinadigan soliq davlat byudjetining muhim daromad manbalaridan biri bo‘lib, tadbirkorlik subyektlarining moliyaviy yuklamalarini tartibga solishda muhim rol o‘ynaydi. Ushbu soliq yuridik shaxslarning egaligidagi ko‘chmas va ayrim ko‘char mulklarga nisbatan hisoblanadi. Soliq kodeksining 59-bobiga muvofiq, soliq solish ob’ekti sifatida yuridik shaxsga tegishli bo‘lgan mol-mulk e’tirof etiladi, soliq bazasi esa ushbu mulkning kadastr qiymati yoki balans qiymati asosida aniqlanadi. Soliq tizimining shaffofligi va samaradorligini oshirish, shuningdek, tadbirkorlik subyektlarining soliq yukini optimallashtirish maqsadida quyidagi takliflarni ilgari surish mumkin: Soliq imtiyozlarini kengaytirish – iqtisodiy rivojlanishni qo‘llab-quvvatlash maqsadida muayyan tarmoqlarga soliq imtiyozlari taqdim etish, masalan, innovatsion texnologiyalarni joriy qilayotgan korxonalar uchun soliq yengilliklari berish.Soliq bazasini aniqlash usullarini takomillashtirish – mol-mulkning bozor qiymatini inobatga olgan holda soliq bazasini hisoblash mexanizmini qayta ko‘rib chiqish.Elektron soliq monitoring tizimini joriy etish – yuridik shaxslarning mol-mulk solig‘ini hisoblash va to‘lash jarayonini avtomatlashtirish orqali soliq tushumlarini oshirish va noqonuniy soliq qochirish holatlarining oldini olish.Soliq yukini optimallashtirish – kichik va o‘rta biznes subyektlari uchun soliq yukini kamaytirish orqali ularning faoliyatini qo‘llab-quvvatlash.Soliq to‘lovchilarning xabardorligini oshirish – soliq qonunchiligi bo‘yicha yuridik shaxslar uchun muntazam seminar va treninglar tashkil qilish, soliq to‘lovchilarni o‘z huquq va majburiyatlari haqida batafsil ma’lumot bilan ta’minlash.Mazkur takliflarni amalga oshirish natijasida soliq tizimining samaradorligi oshib, tadbirkorlik subyektlari uchun qulay moliyaviy muhit yaratiladi. Bu esa iqtisodiy o‘sish va investitsion jozibadorlikka ijobiy ta’sir ko‘rsatadi.