ODAM LOKOMOTSIYALARI (HARAKATLARI) BIOMEXANIKASI. SILJITUVCHI HARAKATLAR. Reja: 1. Harakatlar (lokomotor) sifatlarining tavsiflari. 2. Lokomotsiyalar texnikasining tejamkorligi. 3. Lokomotsiyalar energetikasi. 4. Mashqlar, trenirovkalar, harakat amallarining biomexanikasi. 5. Yugurish biomexanikasi (biodinamikasi). Har bir odam ma’lum bir harakatlar ko‘nikmalariga ega, masalan, ma’lum bir og‘irlikni ko‘tara oladi, yuguradi yoki sakraydi va h.k., lekin imkoniyatlar hammada har xil bo‘ladi. Bu yoshga, naslga, asosiysi mashq qilishga bog‘]iqdir.Harakatlar sifati bir biridan shakli va sarflangan energiyasi bo‘yicha farq qiladi. Harakatlar sifati - bu, odam motorikasining alohida tomonlaridir. Ular, harakatlar va energetik ta’minlanishning bir xil shaklida namoyon bo‘ladi vaanalogik fiziologik mexanizmlarga ega. Shuning uchun, u yoki bu sifatlarni takomillashtirish metodikasi (trenirovkasi) aniq harakatlar turiga bog‘liq bo‘lmagan holda umumiy ko‘rinishlarga ega. Masalan, marafonchining chiniqqanligi ko‘pchilik holatlari bilan chang‘i poygachisi, velosiped poygachisi, konki poygachisi va boshqalar chiniqqanligiga o‘xshashdir. Harakatning kuchi (F), tezligi (V) va muddati (t) bir-biri bilanma’lum bir nisbatda bo‘ladi. Ushbu nisbat, har xil faoliyat turlarida (sportning har xil turlarida) turlichadir. Mushaklar qisqargan paytida katta kuchlanishni rivojlantiradi, bu ko‘ndalang kesimlar, tolalarning dastlabki uzunliklari va bir qator boshqa omillarga bog‘liq.Mushakning 1 sm2 ko‘ndalang kesimidagi kuchi - absolyut mushak kuchi deb ataladi. Odam uchun bu kuch 50 dan to 100 N gacha teng.