Mavzuning dolzarbligi. Mamlakatimiz bundan 25 yil oldin o’z mustaqilligini e’lon qilib, tarixiy taraqqiyotning yangi bosqichiga qadam qo’ydi. O’tgan davr mobaynida bosib o’tgan murakkab, ayni paytda sharafli yo’limizga nazar tashlar ekanmiz, Vatanimiz ozodligi naqadar mashaqqatli va tinimsiz kurashlar, halqimizning qanday og’ir va fidokorona mehnati evaziga qo’lga kiritilgani, mustaqil taraqqiyotimiz davomida amalga oshirgan ishlarimiz, erishgan natijalarimiz beixtiyor ko’z o’ngimizdan o’tadi. Prezidentimiz Islom Karimov tomonidan ishlab chiqilgan, dunyoda o’zbek modeli sifatida tan olingan O’zbekistonning o’ziga xos taraqqiyot yo’li, uning afzalliklari haqida jahondagi nufuzli siyosatchi va iqtisodchilar, ekspert va tahlilchilar tomonidan ko’plab haqqoniy fikrlar, yuksak baholar bildirilgan. Asosiy negizini iqtisodiyotning mafkuradan xoliligi, siyosatdan ustunligini nazarda tutadigan pragmatik iqtisodiy siyosat; davlatning bosh islohotchilik vazifasini o’z zimmasiga olishi; qonun ustuvorligini ta’minlash; kuchli ijtimoiy siyosat olib borish; islohotlarni bosqichma-bosqich amalga oshirish kabi mashhur besh tamoyil tashkil etadigan ushbu taraqqiyot modeli ayniqsa 2008 yilda boshlangan jahon moliyaviy-iqtisodiy inqirozi sharoitida o’zining naqadar to’g’ri ekanini yana bir bor isbotladi. Shuni alohida qayd etish kerakki, yurtimizda har bir sohada kabi jismoniy tarbiya va sportda tub islohotlar amalga oshirish, sohani rivojlantirishda muhim o`rin egallaydi. Bugungi kun yoshlari orasidan iqtidorli sportchilarni izlab topish hamda jahon miqyosidagi raqobatbardosh sportchilarni tarbiyalashning ustivor yo`nalishlariga e’tibor qaratilgan. Albatta, yengil atletika sohasida faoliyat olib borayotgan murabbiylar hamda mutaxassislar ham yurtimizda chiqarilayotgan Qarorlar, farmon va farmoyishlar (1, 2, 3, 4) da ham ayni sohada izlanishlar va tadqiqotlarni olib borishni taqozo etadi. Bu esa o`z o`rnida jismoniy tarbiya va sport sohasi bo`yicha kadrlar tayyorlash va sport sohasida zahira sportchilarni tayyorlash imkonini beradi. Kurs ishining tuzilishi: kirish ikki bob besh bo’lim xulosa va adabiyotlardan tashkil topgan.