Ma’lumotlar xavfsizligi ham IoT tizimlarida dolzarb muammo hisoblanadi. IoT qurilmalari orqali uzatiladigan ma’lumotlar ko‘pincha shifrlanmagan holda yuboriladi yoki zaif kriptografik algoritmlar ishlatiladi. Bu esa ma’lumotlarning ushlanib qolishi (sniffing) yoki o‘zgartirilishiga (tampering) olib kelishi mumkin. Shuningdek, autentifikatsiya va avtorizatsiya mexanizmlarining yetarli darajada rivojlanmaganligi ham xavf tug‘diradi. Ko‘plab IoT tizimlarida foydalanuvchilarni aniqlash va ularga ruxsat berish jarayonlari sodda yoki noto‘g‘ri tashkil etilgan bo‘ladi. Bu esa ruxsatsiz kirish (unauthorized access) xavfini oshiradi.