Atsetilen ishlab chiqarish. Kalsiy karbiddan atsetilen olish. Regenerativ pechlarda termokreking. Reja: 1. Atsetilen ishlab chiqarish 2. Kalsiy karbiddan atsetilen olish 3. Elekterokreking usuli 4. Regenerativ pechlarda termokreking jarayoni Atsetilen (CH ≡ CH) vinilxlorid, vinilatsetat (plastmassa olish uchun xomashyo), akrilonitril kislota (tola olish uchun xomashyo), xloropren kauchuklarini olishda ishlatiladi, uning 30% i avtogen svarkada sarflanadi. Atsetilen olishning bir nechta usullari mavjud: 1) kalsiy karbididan; 2) uglevodorod xomashyosidan: a) metanni elektrokreking qilish usuli bilan; b) regenerativ pechlarda metanni termokreking qilish usuli bilan; v) metanni oksidlab piroliz qilish usuli bilan. Kalsiy karbiddan atsetilen olish XIX asrning oxiridan boshlab kalsiy karbiddan atsetilen olish usuli ishlab chiqilib, hozirgi vaqtgacha ham o‘z ahamiyatini yo‘qotgani yo‘q. Atsetilen olishning ushbu usuli ikki bosqichdan iborat: 1) elektropechlarda 2600-3000°C da kalsiy oksidi va kokslarni ilk bor bir-birida eritish: