Kimyo o’qitish metodikasi fanidan tayyorlagan 20 xil dars metodi 1) “10 element” O’quvchilar qogozga o’qituvchi aytgan ketma ket 10 ta element nomini yozishadi. Keyin esa o’qituvchi shu elementlarga tegishli bo’lgan xossalarni birin ketin o’qishni boshlaydi. O’quvchilar elementlar orasidan keraklisini topib, uni o’chirishadi. 2) “X va nol” Kimyoviy elementlar mavzusida o’ynaladi. O’quvchilar x va nol jadvalini chizishadi va 1 o’quvchi x o’rnida metallarni 2-o’quvchi nol o’rnida metallmaslarni yozishadi. 3) “Sherigini top” Kimyoviy elementlar mavzusida o’ynaladi. Qogoz olinadi va uning ichiga kimyoviy element nomi va belgilanishi tartibsiz holda aralashtirib yoziladi. O’quvchi ularni qogoz pastida juftlab yozishi kerak bo’ladi. 4) “Jarayonni davom ettir” O’qituvchi tomonidan doskaga ketma ket strelka orqali moddalar yoziladi. O’quvchilar esa shu moddalarning hosil bo’lish reaksiyalarini topib yozishlari kerak bo’ladi. 5) “Domino” Qogoz blanka tayyorlanadi va chiziq bilan ikkiga bo’linadi. Blankaning o’ng tarafida savol yoziladi. Boshqa blanka olinib uning chap tarafiga o’sha savolning javobi yoziladi. Blankaning o’ng tarafiga boshqa savol yoziladi va keyingi blankaning chap tomonida shu savolning javobi yoziladi. Shu tariqa domino tuziladi. 6) "Kim chaqqon?" o'yini Bunda o'qituvchi har bir guruh sardoriga atom-molekula sharlarini tarqatadi va o'zi oldindan tayyorlab kelgan (parta soniga qarab) moddalar formulasi yozilgan qog'ozlarni tarqatadi va 3 daqiqa vaqt belgilab, shu formula asosida atom sharlarida moddalarning struktura tuzilishini yasashni aytadi va o'quvchilar modda nomi va birikmadagi elementlarning valentligini ham aytishi zarur. Qaysi guruh chaqqonlik bilan birinchi bo'lib topshiriqni bajarsa, shu guruh sardori yana 5 ball olish imkoniyati ya'ni rag'batga ega bo'ladi. Buning uchun u magnit doskada turgan 10 ta element nomini aytib, kamida 3 ta formula tuzilishi kerak.