Izomerlarning mavjudligi har doim kimyoviy tuzilish nazariyasini asoslashda kimyogarlar uchun o`ta muhim dalil bo`lib kelgan. Shunday qilib, A.Vernerning koordinatsion nazariyasi ishlab chiqilgan. Atomlarning fazoviy joylashuvini murakkab birikmalarda talqin qilish nazariyaning rivojlanishida muhim qadam bo`ldi. Izomeriya deganda bitta molekulyar formulaning bir nechta individual kimyoviy birikmalarga mos kelishi tushuniladi. Izomerlar tarkibi va molyar massasi bir xil, lekin fazoviy tuzilishi va xossalari har xil bo`lgan moddalardir. Koordinatsion birikmalar uchun izomeriyaning bir necha turlari ajratiladi.