Sintetik antibakterial vositalar turli kimyoviy tuzilishga ega bo‘lib, antibiotiklar, sulfanilamidlar, xinolonlar va boshqa guruhlarga bo‘linadi. Antibiotiklar mikroorganizmlarga tanlab zarar yetkazadi yoki ularni halok qiladi. Ularning asosiy ta'sir mexanizmlari bakterial hujayra devori sintezini buzish, sitoplazmatik membrana o‘tkazuvchanligini buzish, oqsil va RNK sintezini to‘xtatishdan iborat. Shuningdek, ular allergik va noallergik nojo‘ya ta'sirlarga ham ega bo‘lishi mumkin.