YUQORI MOLEKULYAR BIRIKMALAR KIMYOSI YUQORI MOLEKULYAR BIRIKMALAR XAQIDA ASOSIY TUSHUNCHALAR Reja 1. Polimerlar kimyosining maqsad va vazifalari. 2. Yuqori molekulyar birikmalar, oligomerlar, polimerlar tushinchasi. 3. Makromolekula va uning kimyoviy zvenosi. 4. Polimerlanish darajasi va zanjir uzunligi. 5. Polimerlarning tirik tabiatdagi roli va ularning kimyoviy materiallar sifatidagi ahamiyati. 6. Yuqori molekulyar birikmalar kimyosining rivojlanish tarixi. Polimerlar kimyosi fanini rivojlantirishda O`zbekiston olimlarininmg qo’shgan xizmati. Tayanch iboralar: quyi molekulyar birikmalar, yuqori molekulyar birikmalar, polimerlar, oligomerlar, makromolekula, monomer zvenosi, polimerlanish darajasi, zanjir uzunligi. Polimerlar kimyosining maqsad va vazifalari Polimerlar kimyosini o’qitishdan maqsad–talabalarga polimer molekulalarining katta o’lchami va zanjirsimon tuzilishga egaligi sababli, oddiy quyimolekulyar moddalardan farqlanuvchi o’ziga xos xossalarini tushuntirishdan va bu xossalardan foydalanishda amaliy ko’rsatmalar berishdan iboratdir. Polimer moddalar makromolekulasining xususiyatlari, polimerlarning sintezi va uning muhim qonuniyatlari, fizik-kimyoviy va fizikaviy-mexanik xossalarining asosiy xususiyatlari, polimerlar kimyosida qo’llanadigan usullar va sanoatda hamda turmushda keng qo’llaniladigan polimerlar xaqida ko’nikma va malaka shakllantirishdir. Fanning vazifasi -yuqori molekulyar birikmalarning quyi molekulyar birikmalardan farqini; yuqori molekulyar birikmalarning o’ziga xos xususiyatlarini; talabalarda yuqori molekulyar birikmalarning sintezi, fizik kimyoviy xossalarni ; yuqori molekulyar birikmalar eritmalarining xossalarini tahlil va tadqiq etishni; yangi turdagi yuqori molekulyar birikmalarning yaratish ilmiy asoslarini tuzilish va xossa munosabati qonuniyatlari orqali o’rgatishdan; yangi shakllanayotgan va ommalashayotgan fan va texnologiyalarni taraqqiy ettirishda yuqori molekulyar birikmalar o’rnini ko’rsatishdan iborat.